Bangon Pilipinas!

Inspired by Manny Pacquiao, I was able to write a poem… I dedicate this work to Manny, to all the hundreds and thousands of Filipinos who are struggling to overcome the devastating effects of Super Typhoon Pablo that hit the southern part of the country, and to all the Filipinos out there who remain optimistic despite the challenges we face these days, this is all for you… Mabuhay ang Pilipinas!

Perlas ng Silangan ang sa 'yo'y turing,

Buong mundo'y humahanga sa natatangi mong galing

Kahit saan man dako, ika'y kapansin- pansin

Pagkat Pilipino ay kilala sa husay nyang angkin

Ika'y nangunguna sa iba't- ibang larangan,

Sa mundo ng sining man at maging sa palakasan

Ngalan mo'y binabanggit, sa labi ng banyaga'y namumutawi,

Kilala kahit saan, Pilipino ikaw ay tinatangi!

Sa iyo mang paglaban ika'y di magwagi,

Mapalitan man ang saya ng luha at pighati

Pagsubok lang 'yang ituring, huwag kang pagugupo,

Minsan pang pag- alabin, apoy sa iyong puso

Takpan man ng ulap ang iyong araw, 

Pighati ma'y dumating at siyang pumaimbabaw

Ika'y di hihinto, patuloy na maglalayag,

Haharapin ang unos at muling mamamayagpag!

Dumating man ang dilim at mapawi ang liwanag,

At sa iyong paghakbang ay walang maaninag

Sa likod mo'y naroroon, Diyos na Maykapal

Hawak ang iyong kamay sa bawat pagpapagal

Bangon Pilipinas, sapagkat kaya mo 'yan!

Bangon Pilipinas, ituloy mo ang laban!

Madapa man minsa'y babangon muli,

Hindi titigil, hindi kaylanman pagagapi!